Afgʻon xalq ertaklari

Ertaklar «...bir bor ekan, bir yoʻq ekan, qadim-qadim zamonda...» deb boshlanadi-yu, darvozalarini keng ochib, sizni oʻzining sirli olamiga chorlaydi. Bu olamda qarshingizdan tulki chiqib gapirsa hayron boʻlmang, ajdarho ogʻzidan olov purkasa qoʻrqmang. Bahodirlarga ergashib, devlar bilan olishing, hashamatli saroyda malikalar, shahzodalar bilan birga yashang. Ertaklar olamida istagancha orzu qiling, oʻynang, kuling. Afgʻon xalq ogʻzaki ijodining sehrli, qahramonlik hamda hazil-mutoyiba ertaklari sizga ana shunday imkoniyatni beradi.