Dardingni olay

Taniqli adib Xurshid Doʻstmuhammadning hikoyalari xilma-xil uslubda yozilgani yaqqol koʻzga tashlanadi. Goh sof an’anaviy hayotiy manzaralar, goh ramz va timsollarga asoslangan tasvir yoʻsini, goh shakliy izlanishlar kitobxonni aslo befarq qoldirmaydi, balki uni jiddiy mutolaaga chorlaydi — shu asnoda yozuvchining badiiy olami kitobxonning badiiy olamiga koʻchib oʻtadi: dunyoni, odamlarni oʻzgacha nazar-nigoh ila kuzatish, idrok etish, anglab yetishga urinish boshlanadi. Sizlarni ana shunday zavqli jarayonga taklif etamiz, aziz kitobxonlar!