Dovon

Mustaqillikning dastlabki yillarida xalqimiz olamshumul ishni boshlab yubordi. Buyuk Ipak yoʻli oʻtgan, ajdodlarimiz yurgan, bobomiz Bobur Mirzo bosib oʻtgan, Otabek Qumushni sogʻinib otda qatnagan Qamchiq dovoni yoʻllarini kengaytirishga asos solindi. Bu mamlakatimiz tarixidagi buyuk ishlardan biri edi. Isoqjon Nishonovning qoʻlingizdagi “Dovon” romani mamlakatimiz obodligi, yoʻllarimiz ravonligi yoʻlida mehnat qilayotgan yoʻlsozlarning sharafli ishlari, oʻz oldilarida turgan qiyinchiliklarni mardonavor yengib oʻtishdagi jasoratlari haqida hikoya qilinadi. Bu roman zamonamiz qahramonlari timsolini oʻzida mujassamlashtirgan eng yaxshi asarlar qatoridan oʻrin oladi, degan umiddamiz.