MAKORIM UL-AXLOQ

Gʻiyosiddin Xondamirning «Makorim ul-axloq» («Olijanob xulqlar») asari buyuk oʻzbek shoiri va mutafakkiri, davlat va jamoat arbobi Alisher Navoiyning hayoti, adabiy, ilmiy va ijtimoiy-siyosiy faoliyati toʻgʻrisidagi qimmatli manba hisoblanadi. Asarning qoʻlingizdagi tarjimasi afgʻonistonlik navoiyshunos Abdugʻaffor Bayoniy tomonidan 1981-yili Kobulda bosmadan chiqqan nashri asosida amalga oshirilgan. Ushbu asar Alisher Navoiyning sermahsul adabiy va ilmiy faoliyati bilan birgalikda, uning mamlakatning siyosiy barqarorligi, ijtimoiy-iqtisodiy rivojlanishi hamda ilm-fan, madaniyat, adabiyot va sanʼatning taraqqiyotiga qoʻshgan ulkan hissasi, olijanob xulqlari, yuksak insoniy fazilatlari toʻgʻrisida maʼlumotlar beradi.