MEZON BURJI
Siz Asad Dilmurodni «Osmonning bir parchasi» ilk hikoyasi va shu nom ostida bosilgan birinchi kitobi (1978) orqali bilasiz. Umridan buyon oʻtgan vaqt mobaynida adib bosqichma-bosqich samarali ijod qildi, elga faqat hikoyanavis emas, qissanavis va romannavis sifatida ham tanildi. Hamon tinimsiz izlanayotgan yozuvchi olam va odam tushunchalariga badiiy-estetik va falsafiy nuqtai nazardan yondoshadi, zamon bilan makonni birlashtiruvchi moddiy va maʼnaviy omillar mohiyatini qahramonlari ruhiy dramasi bilan umumlashtirgan holda talqin qiladi. Kitobga kirgan qissalarini oʻqir ekansiz, olis tarix nafasini tuyasiz, ezgulik hamda yovuzlik oʻrtasidagi azaliy va abadiy toʻqnashuvlarga guvoh oʻtasiz, yana ham muhimi, oʻzaro ajralib turadigan va esda qoladigan turli-tuman qiyofa-xarakterga ega boʻlgan badiiy obrazlar olamida yashaysiz.