Sohilsiz dengiz

Oʻzbekiston xalq yozuvchisi, sevimli adib Tohir Malikning qoʻlingizdagi kitobi ikki qismdan iborat: birinchi qismda muqaddislar sarvari Imom Buxoriy, Sohibqiron Amir Temur, Mirzo Ulugʻbek singari ulugʻ ajdodlarimizning, shuningdek, Abdulla Qodiriy, Asqad Muxtor, Ulmas Umarbekov kabi ustozlarning maʼnaviy dunyosi toʻgʻrisida hikoya qilinadi. Ikkinchi qismdan oʻrin olgan hujjatli qissada «Fargʻona tong otguncha» romani muallifi, ardoqli adib Mirzakalon Ismoiliy katagʻon yillarida boshidan kechirgan alamli va taʼsirchan, ibratli lavhalar aks ettirilgan. Asarlardagi samimiyat, milliy qolorit, mushohada va xulosalarning oʻziga xosligi sizni befarq qoldirmaydi, ruhon boyitadi, dunyoqarashingizni kengaytiradi.