TIBBIYOTIMIZNING BARHAYOT SIYMOLARI

Ushbu kitob biografik shaklda yozilgan boʻlsa-da, unda nomlari keltirilgan olimlarning ilmiy salohiyatlari, yaratgan ilmiy-amaliy gʻoyalari, ilmiy maktablari, jamoat salomatligini saqlashdagi, respublikamiz tibbiyotining rivojiga qoʻshgan buyuk xizmatlarining tahlili monografiyada bayon etilgan va shu bilan boshqa adabiyotlardan farq qiladi. Kitobga kiritilgan barcha qahramonlar oʻzlarining ilmiy salohiyatlari, ilm qirralari bilan bir-biridan farq qiladi. Oʻylaymizki, mazkur kitob oʻlkamizning tibbiyot tarixini boyitishda maʼlum darajada oʻz hissasini qoʻshadi. Keyingi yana bir jihati, tibbiyot ilmiga yangidan yoʻl urgan yoshlar olamdan oʻtgan buyuk siymolarimizning yoʻnalishlaridan voqif boʻladilar.