TURKIY GULISTON

Atoqli oʻzbek adibi, mashhur dramaturg va pedagog- maʼrifatparvar, jadidlar harakatining yetakchilaridan biri Abdulla Avloniyning (12.07.1878- 25.08.1934) ilmiy-adabiy merosi orasida „Turkiy Guliston yoxud axloq“ asari alohida tilga olinadi. Boisi mazkur asar maʼnaviy-axloqiy mohiyati bilan oʻzbek tilida yozilgan ilk „Odobnoma“, „Axloq fani“ darsligidir. Mazkur asarning ahamiyati jihati, uning tom maʼnodagi millat fidoyilarini, vatanparvar fuqarolarni shakllantirish gʻoyasi bilan sugʻorilganligida ifodalangan.