Xalq hofizi

Oʻzbekiston Yozuvchilar uyushmasining aʼzosi, shoir, publitsist Shukur DADASH 2002 yilda Oʻzbekiston xalq hofizi Faxriddin Umarovning hayoti va ijodiy faoliyatiga bagʻishlangan “Gʻazalqoy hofiz” nomli kitob yaratib, uni kitob shaklida chop etgandi. Hayrli ijod maqsad, taniqli hofizning koʻpchilikka maʼlum boʻlmagan ijodiy qirralarini namoyon etishdan iborat boʻldi. Muallif bu borada bir necha yillik ijodiy izlanishda boʻlib, uning gʻazalgoʻylik iqtidorni kashf etib, 30 ga yaqin sheʼr, toʻrtlik, gʻazallarini keng oʻquvchilar hukmiga havola etdi. Natijada sanʼatsevar xalqimiz ardoqli hofizimiz nafaqat lirik xonanda, balki nozik nafas shoir ekanliklaridan voqif boʻldilar. Shuningdek, kitob muallifi muʼjazgina toʻplamda oʻziga xos soʻz boʻyoqlari bilan ustozning yorqin simfonik tasvirlovchi, qoʻshiqchilik sanʼatini ifoda etuvchi toʻkinli hayoti, odamiylik fazilatlari, goʻzal suvvrati va siyrati, hikmatli oʻgitlarini hayotiy lavhalar, oʻrinli tashbehlar, unutilmas xotiralar, jonli misollar asosida yoritishga muvaffaq boʻldi. Ushbu kitob koʻp sonli oʻquvchilar taxsinasiga sazovor boʻlib, ular qalbidan munosib joy oldi. Bundan tashqari kitobxonlar bu borada oʻzlarining fikr-mulohazalarini ham bildirib, kitobni yangi maʼlumotlar ila toʻldirishga hamda uni qayta nashr ettirishni istagini bildirishdi. Ushbu fikrlarni inobatga olgan holda muallif yanada ijodiy izlanishga kirishib, lirik qoʻshiqchilik maktabining asoschisi Faxriddin Umarovning yaqinlari, qarindoshlari, hamkasblari, shogirdlari bilan muloqotda boʻldi va yuqorida nomi keltirilgan kitobni yangi dalillar bilan toʻldirib, koʻpincha-dagi toʻplamni yaratish baxtiga muyassar boʻldi. Sizning nozik didingiz hukmiga havola etilayotgan, qalb daʼvati, muxlislik, birodarlik burchi ila bitilgan ushbu toʻplam qalbingizga choʻg solib, koʻnglingizga toʻridan oʻrin oladi, degan umiddamiz.