XAYYOM

Umar Xayyom haqida dunyo miqyosida juda koʻplab ilmiy va badiiy asarlar yaratilgan. Ularning mualliflari shoirni turlicha talqin qilishgan va baʼzilari uni daxriy, osiy inson sifatida tasvirlashgan. Buning isboti uchun esa uning ruboiylarini asos qilib olishgan. Baʼzi manbalarda «Hujjatul Islom» nomini olgan Imom Gʻazzoliy bilan shoirni qarama-qarshi qoʻyish holatlari ham uchraydi. Nabi Jaloliddinning mazkur asarida esa bu jihatga butunlay yangicha yondoshilgan. Har ikki buyuk siymoning aqlu tafakkuri, oʻy-xayollari, ilm yoʻlidagi zahmatlari mehr bilan ochib berilgan. Romanda goʻyo tarix tiriladi. Oʻylaymizki, aziz oʻquvchi, kitob sizga ham manzur boʻladi.