XOTIRA KITOBI

Ushbu kitob O‘zbekiston Respublikasi Prezidentining 2020 yil 8 oktyabrdagi “Qatag‘on qurbonlarining merosini yanada chuqur o‘rganish va ular xotirasini abadiylashtirishga doir qo‘shimcha chora-tadbirlar to‘g‘risida”gi F-5598-son farmoyishi hamda 2024 yil 19 iyul sanadagi “Siyosiy qatag‘on qurbonlari bo‘lgan yurtdoshlarimiz hayoti va faoliyatini o‘rganish, targ‘ib etish hamda ularning xotirasini abadiylashtirish borasidagi ishlarni kengaytirish to‘g‘risida”gi PQ-270-son qarori asosida Rossiya imperiyasi mustamlakachiligi davrida shuningdek, sovet tuzumi yillarida Vatanimiz ozodligi yo‘lida kurashgan, millatni erk va hurriyat uchun kurashga da’vat etgan, biroq, hukmron Chor imperiyasi davrida jazoga tortilgan hamda mustabid sho‘ro tuzumi tomonidan “xalq dushmani” bo‘lganlikda ayblanib, otilgan, sovuq o‘lkalarga surgunga yuborilgan, nohaq qatag‘onga uchragan aziz vatandoshlarimiz nomlarini abadiylashtirish maqsadida nashr etildi.