YIGIT YIG‘LAMASIN

Yigitning ko‘z yoshi tog‘dan ko‘chgan tosh kabi borliqni ostin-ustin qilishga qodir. Ammo, dushmaniga tishining oqini ko‘rsatmagan, janggohlarda jon berib jon olgan, boshiga mushkul ish tushganida «oh» chekmagan er kishi gohida xiyonat, tuhmat, xusumatu adolatsizlik, temir sandiqdan-da mustahkam qalbidagi alamu iztirobini kimgadir oshkor etishni istab qoladi. Ushbu kitobdan joy olgan dilnomalar qaysidir ma’noda tilga ko‘chgan dardlar, qalamga olingan ibratnomalardir. O‘zbekistonda xizmat ko‘rsatgan jurnalist, O‘zbekiston Yozuvchilar uyushmasi a’zosi Abdumutal Abdullayevning mazkur qaydlari o‘quvchilarni mushohadaga chorlabgina qolmay, balki ularni bilganlariga amal qilishga da’vat etadi degan umiddamiz.