Alisher Navoiy — iqtisodchi sifatida

🌟 Koʻpchilik Alisher Navoiyni faqatgina buyuk ijodkor deb biladi. Aslida Navoiy juda serqirra shaxs boʻlgan. Bugun uning hayotiga boshqa rakursdan qaraymiz. 🎤 Buyuk shoir oʻz asarlarida iqtisodiy fikrlarini ham bayon qiladi. Masalan, “Hayrat ul-abror”da Hirotdagi bozorlar tasviri va bozor iqtisodiyotiga doir mulohazalarni oʻqish mumkin. ✅ “Mahbub ul-qulub”ni varaqlasangiz, oʻsha davr pul birliklari dinor va dirham haqida ma’lumot olibgina qolmay, Navoiy pulning almashinuv quroli, jamgʻarish, xazina toʻplash va toʻlov vositasi ekanligini, jahon pullarining funksiyasidan yaxshi xabardor boʻlganini bilib olasiz. 🔅 Navoiy nafaqat tirikligida, vafotidan besh asr oʻtib ham iqtisodiyotda oʻz ramziga ega. 2021-yilda Markaziy bank Alisher Navoiy tavalludining 580 yilligi munosabati bilan esdalik tangalar toʻplamini chiqargandi. 📎 Tangalar 20 va 31.1 gramm sof oltindan ishlangan boʻlib, ularda mashhur rassom Chingiz Axmarov qalamiga mansub Navoiy siymosi va “Hamsa” dostonlari tasviri tushirilgan. 📹 Yuqoridagi videoda ular bilan batafsil tanishishingiz mumkin. @bankvamarifat