Jeyms Joys — bankda ishlagan buyuk adib

Jeyms Joys 144 yoshda 👤 XX asrning eng buyuk yozuvchilaridan biri, modernizm rivojiga ulkan hissa qoʻshgan adib Jeyms Joys 1882-yil 2-fevralda Dublinda dunyoga kelgan. 📌 Joysning adabiy merosi “Dublinliklar” hikoyalar toʻplami, “Musavvirning yoshlikdagi shamoyili”, “Uliss” va “Finnegan ma’rakasi” romanlari, uchta she’riy toʻplam va bir pyesadan iborat. 🏠 Qiziq jihati, Jeyms Joys 1906-1907-yillar oraligʻida Rimdagi “Nast-Kolb & Schumacher” xususiy bankida faoliyat yuritgan. 💼 Joys bankning xorijiy korrespondensiya boʻlimida ishlagan. Uning kundalik vazifasi bankning xorijiy mijozlarga ingliz va fransuz tillarida javob xatlari yozishdan iborat edi. 👑 Ammo T.S. Eliotdan farqli ravishda, Joys bankdagi ishini yoqtirmagan. Ukasiga yozgan xatlarida ish hajmi koʻpligidan va ijodga vaqti qolmayotganidan noroziligi aks etgan. Shu sababdan uning faoliyati bor-yoʻgʻi 7 oy davom etdi. 📍 Adib bundan avval ishlab va yashab kelgan shahri Triestega qaytib, qizgʻin ijod bilan mashgʻul boʻldi. Birin-ketin she’riy va nasriy asarlarini nashrga tayyorladi… 📅 Bank ishida omadi chopmagan boʻlsa-da, adabiyotda olamshumul shuhrat qozongan Jeyms Joys 1941-yil 13-yanvarda olamdan oʻtdi. @bankvamarifat