📁 O‘zbekiston Respublikasi Prezidentining “Kitobxonlik madaniyatini oshirish va aholi o‘rtasida kitob o‘qishga qiziqishni oshirish to‘g‘risida”gi PQ-9 sonli qarori e’lon qilindi.
↔️ Qarorning asosiy maqsadi 2026-2030-yillarda aholi o‘rtasida kitobxonlik darajasini yiliga o‘rtacha 10ta kitobga yetkazish hisoblanadi.
📌 Buning uchun quyidagi chora-tadbirlar ko‘zlangan:
— “Kitobxonlik madaniyatini rivojlantirish jamg‘armasi”ni tashkil etish;
— yosh yozuvchilarni aniqlab, ularga grantlar ajratish, bolalar adabiyotiga oid loyihalarni qo‘llab-quvvatlash,
— yoshlar o‘rtasida kitobxonlikni targ‘ib qilish bo‘yicha “Kitob — ma’rifat manbayi” dasturini amalga oshirish;
— umumta’lim muassasalarida “Jadidlar izidan” kitobxonlik klublarini tashkil etish;
— vazirlik va idoralarda “Kitob burchagi” tashkil etish va har oyda “Kitob o‘qish soati”ni yo‘lga qo‘yish hamda faol kitobxon xodimlarni tadqirlash;
— har yili kamida 3 tadan kasbiy faoliyatga doir kitoblarni tarjima qilish, chop etish va ularni izohlar, lugʻat va misollar bilan boyitish amaliyotini joriy etish;
— “Yangi O‘zbekiston qiyofasidagi tuman (shahar)” maqomidagi hududlarda 330ta namunali mahalla kutubxonalarini tashkil etish.
✔️Gapning po‘stkallasini aytganda, 2026-2030-yillarda mamlakatimizda kitobxonlik madaniyatini yuksaltirishga qaratilgan tizimli ishlar amalga oshiriladi.
