Akademnashr

“Akademnashr” nashriyotiga 2004-yilda asos solingan.
Asosan, maʼrifiy, ilmiy, ilmiy-ommabop, adabiy-badiiy, ijtimoiy, publitsistik, huquqiy yoʻnalishdagi asarlarni nashr etadi.
Nashriyot yiliga 100 dan oshiq nomda kitoblar chiqaradi. Yillik nashr etiladigan kitoblarning umumiy adadi taxminan 1 000 000 dona.
Nashriyot sifat va mazmun uygʻunligini shior qilgan holda faoliyat yuritgani muntazam ravishda oʻz natijasini berib kelmoqda. Jumladan, 2014-yilda “Akademnashr” nashriyoti “Yilning eng yaxshi nashriyoti” deb topilgan. 2015-yilda Ashxobod shahrida oʻtkazilgan koʻrgazma doirasida tashkil etilgan xalqaro tanlovda “Eng yaxshi badiiy nashr” yoʻnalishi boʻyicha gʻoliblikni qoʻlga kiritgan. 2022-yilda Moskvada boʻlib oʻtgan “Kitob sanʼati” xalqaro tanlovining “Fan va taʼlim” nominatsiyasida Diplom bilan taqdirlangan. Oʻtgan yillar davomida “Yilning eng yaxshi kitobi” respublika tanlovida muntazam I, II, III darajali diplomlarni va boshqa koʻplab milliy mukofotlarni qoʻlga kiritgan.
Nashriyot oʻz matbaa bo‘limiga ham ega.