Asaxiy Books
Nashriyot haqida
"Asaxiy Books" — 2018-yilda asos solingan, jahon adabiyoti durdonalarini o'zbek tiliga tarjima qilish hamda nashr etishga ixtisoslashgan nashriyot. Kompaniyaning asosiy maqsadi — xalqaro bestsellerlarni yuqori sifatli tarjimada va hamyonbop narxlarda o'zbek kitobxonlariga yetkazib berishdan iborat.
Nashriyot asosan shaxsiy rivojlanish, biznes, iqtisodiyot, tarix va badiiy adabiyot yo'nalishlaridagi asarlarni chop etadi. Har bir kitob professional tarjimonlar va muharrirlar jamoasi tomonidan tayyorlanadi hamda 8 bosqichli qat'iy sifat nazoratidan o'tkaziladi. Jahon adabiyotidan tashqari, nashriyot mahalliy ijodkorlarni ham qo'llab-quvvatlaydi. Shu maqsadda muassasada bolalar adabiyoti va o'zbek adabiyotiga ixtisoslashgan alohida tahririyatlar faoliyat yuritadi. O'quvchilarga qulaylik yaratish maqsadida kitoblar an'anaviy qog'oz shaklidan tashqari, elektron va audio formatlarda ham taqdim etiladi.
Jeyms Klirning "Atom odatlar", Jorj Oruellning "Molxona" va "1984", Daron Ajemo'g'li hamda Jeyms Robinsonning "Mamlakatlar nega inqirozga uchraydi", Charlz Uilanning "Yalang'och iqtisodiyot" hamda Erve Le Tellening "Anomaliya" kabi asarlari nashriyotning eng ko'p sotilgan kitoblari qatoridan joy olgan. Nashriyot har yili real savdo ko'rsatkichlariga asoslangan holda yilning eng xaridorgir kitoblari reytingini e'lon qilib boradi.
Asosiy ma'lumotlar