Factor books

Factor Books — zamonaviy o‘zbek kitobxonligi rivojiga munosib hissa qo‘shib kelayotgan nashriyotlardan biridir. Nashriyot badiiy, tarjima, ilmiy-ommabop va ma’rifiy adabiyotlarni nashr etib, o‘zbek kitobxonlariga mazmunan boy va qiziqarli asarlarni taqdim etib keladi.

Nashriyot katalogidan jahon adabiyotining mashhur namoyandalari — Erich Maria Remark, Agata Kristi, Paulo Koelo kabi ijodkorlarning asarlari, shuningdek, zamonaviy o‘zbek adabiyoti namunalari o‘rin olgan. Factor Books tarjima loyihalari orqali jahon adabiyotining sara asarlarini o‘zbek tilida kitobxonlarga yetkazishga alohida e’tibor beradi.

Nashriyot uchun kitob — shunchaki nashr mahsuloti emas, balki inson tafakkuri va dunyoqarashini boyituvchi vosita. Factor Books sifatli nashr, mazmunli adabiyot va zamonaviy kitobxonlik madaniyatini uyg‘unlashtirishga intiladi.